Ƴan sanda sun tabbatar da mutuwar a kalla mutum ɗaya, inda biyar kuma su ka raunata sakamakon tashin wani bam a jiya Lahadi a garin Gashua, Ƙaramar Hukumar Bade a Jihar Yobe.
Advertising
Kakakin rundunar ƴan sanda na jihar, Dungus Abdulkarim ne ya faɗi hakan ga Kamfanin Dillacin Labarai na Ƙasa, NAN a yau Litinin a Damaturu.
Ya ce lamarin ya faru ne da misalin ƙarfe 8:30 zuwa 9:00 na dare a wani wajen sayar da abinci, inda ya ƙara da cewa harin an shirya shi ne takameme a kan wajen cin abincin.
“Ƙarar ta yi kama da ta bam.
Advertising
“Tuni a ka tura ƙwararrun jami’ai a kan Ababen fashewa su ka isa wajen domin tabbatar da abinda ya haddasa fashewar da kuma menene abin fashewar,” in ji Abdulkarim.
Ya ce waɗanda su ka ji rauni an kai su asibiti domin duba lafiyar su.
Advertising
